Revista Familja Online

Hidhini përbërësit në një tenxhere dhe filloni ta punoni mirë me duar, derisa të përfitoni një masë homogjene. Kur ta keni arritur këtë, lëreni brumin të vijë për 20 minuta.

Kur të ketë kaluar kjo kohë, merreni brumin, jepini formën që dëshironi dhe vendoseni në tavën e lyer më parë me vaj.

Kujdes, përpara se ta fusni bukën e përgatitur në furrë, duhet ta lyeni më parë atë më vezë, në mënyrë që buka të marrë një ngjyrë të bukur dhe të këndshme. Gjithashtu, furra nuk duhet të jetë e ngrohur më parë, por duhet të ndizet në momentin kur futet buka.

Pulë me speca

Përbërësit për 4 persona:

Pulë 1 pulë

Speca 3 speca të mëdhenj

Salcë domatesh sipas dëshirës (mund ta përdorni edhe të gjithë shishen e salcës)

Hudhra 5 thelpinj

Vaj ulliri sipas dëshirës suaj

Kripë dhe pipër të kuq sipas dëshirës

Përgatitja

Pasi ta keni pastruar dhe larë pulën, ndajeni atë në copa me madhësi mesatare. Pastaj vëreni të ziejë duke i hedhur kripë. Kur të ketë përfunduar zierja, skuqeni në një tigan, ku më parë të keni hedhur vajin e ullirit dhe thelpinjtë e hurdhës. Më pas shtoni salcën e domateve, specat, pak kripë dhe piperin e kuq. Pasi t’i keni përfunduar këto, lëreni pulën në sobë për 1 orë dhe më pas servireni.

Oriz me domate

Përbërësit për 4 persona

Salcë domatesh 1 shishe

Oriz 600 gr

Gjalpë 150 gr

Qepë 1 kokërr

Karotë 1 karotë

Djathë kaçkavall i grirë 100 gr

Majdanoz 1 tufë

Kripë sipas dëshirë

Uji i nxehtë sa të mbulojë orizin

Përgatitja

Në një tenxhere, hidhni 100 gr gjalpë, më pas shtoni qepën e grirë imët, karotën, majdanozin dhe lërini të skuqen. Pasi të ketë kaluar koha e mjaftueshme për skuqjen e tyre, shtoni salcën e domates dhe pas disa minutash shtoni orizin dhe kripën. Pasi të ketë marrë edhe orizi një të skuqur të lehtë, shtoni mbi të ujin e nxehtë. Kështu lëreni në sobë me një temperaturë mesatare. Përpara se ta servirni, shtoni mbi orizin 50 gr gjalpë që mbetën, si edhe djathin kaçkavall të grirë.

Ëmbëlsirë me arra

Përbërësit për 4-5 persona

Gjalpë 170 gr

Sheqer pluhur 170 gr

Arra të qëruara 100 gr

Biskota savoiardi 250 gr

Për kremin:

Pana pastiçerie 1 kuti

Për kremin me çokollatë:

Çokollatë e shkrirë 100 gr

Gjalpë 40 gr

Përgatitja

Zbuteni gjalpin në temperaturë ambienti. Pasi të jetë zbutur, futeni në një tas dhe filloni ta rrihni me rrahëse elektrike. Gjatë kohës që rrihni gjalpin, shtoni mbi të gradualisht sheqerin pluhur, derisa të jetë rrahur mirë e të jetë bërë një masë e plotë.

Shtoni arrat e grira dhe përzieni me delikatesë. Pastaj përgatisni kremin e pastiçerisë, i cili përgatitet në këtë mënyrë:

Merrni kutin e panës, hapeni dhe hidheni në një enë, shtoni mbi të pak sheqer dhe filloni ta rrihni me rrahësen elektrike, duhet ta rrihni derisa ajo të bëhet një masë e plotë e të mos bjerë nga ena.

Pasi të keni përgatitur edhe këtë, bashkojeni me gjalpin e përgatitur më parë me arrat dhe vendoseni në frigorifer.

Gjatë kësaj kohe merrni një tepsi me formë dhe filloni ta mbushni me biskotat savoiardi në këtë mënyrë:

Në fillim mbuloni të gjithë sipërfaqen e tepsisë me këto biskota, pastaj filloni të mbuloni anët duke rreshtuar savoriadit njëri pas tjetrit në faqet e tepsisë si në figurë. Kur të ketë përfunduar kjo fazë, hidhni mbi to një pjesë të kremit të përgatitur dhe shtroni sërish një shtresë me biskota dhe më pas një shtresë me krem për të mbuluar biskotat. Në fund të këtij procesi vendoseni tepsinë e përgatitur si më sipër në frigorifer deri në ditën tjetër.

Përpara se ta shërbeni këtë ëmbëlsirë, përgatisni kremin e çokollatës duke vepruar në këtë mënyrë:

Shkrijeni çokollatën dhe gjalpin në një temperaturë të lehtë ose në banjo mari me 2 lugë ujë gjelle, lëreni aty duke e përzier vazhdimisht, derisa të formohet një masë e lëngshme dhe e plotë.

Më pas, pas përgatitjes së këtij kremi vendoseni ëmbëlsirën e përgatitur një ditë më parë në një pjatancë dhe mbi të hidhni kremin e çokollatës.

English Contents & Different Editorials of the Journal

Shtypshkronja Mileniumi i Ri
Tel: +355 4 2555 22
Cel: +355 68 26 44699