Nr. 2, (47) Shkurt 2005

ARKIVAT

FAMILJA 2004, Nr. XIII

FAMILJA 2004, Nr. XII

FAMILJA 2004, Nr. XI

FAMILJA 2004, Nr. x

FAMILJA 2004, Nr. ix

FAMILJA 2004, Nr. VIII

FAMILJA 2004, Nr. VII

FAMILJA 2004, Nr. VI

FAMILJA 2004, Nr. V

Libra të rinj

Shah Veliullah Dehlevi  (1703-1762)

Orhan Zarshati

Orhan Zarshati njihet jo vetëm si inxhinier, diplomat, por edhe si studiues bashkëkohor i memdimit filozofik islam në Indinë e lashtë. Këtë fakt, autori e paraqet nëpërmjet këtij libri, i cili përmban studime dhe fakte mbi historinë e lashtë dhe kulturën e përsosur të Indisë. India u bë epiqendër e lakmive të pushtuesve të mëdhenj si: Kina, Mongolia, Arabia etj, pasi aty ekzistonin, jo vetëm pasuri materiale, por edhe kulturore dhe shpirtërore. Aleksandri i Madh i Maqedonisë, shahët, persianët, arabët, mongolët etj, janë përpjekur të vendosen në këtë vend përrallor, duke synuar të grumbullonin pasuri e lavdi të madhe. Në shekullin e shtatëmbëdhjetë të erës sonë, Islami u përhap në shumë vende të Europës, Afrikës, Azisë, Kinës, duke u bërë një fe botërore. Më vonë, rreth vitit 713, arabët pushtuan provincën e Sindit në Indi. Kjo provincë u bë shkëndija e përhapjes së Islamit edhe në zonat e tjera të Indisë. Në libër janë trajtuar momentet kryesore të veprës së mendimtarit të madh të Indisë së gjysmës së parë të shekullit të shtatëmbëdhjetë, Shah Veliullah Dehlevi. Aktet historike janë paraqitur aq të saktë, saqë libri bëhet shumë bindës dhe tërheqës për lexuesin. Muslimanët në Indi, e veçanërisht në Pakistan, vazhdojnë të japin një ndihmesë të çmuar në fushën e kulturës islame botërore.

Libri do t’i shërbejë opinionit publik bashkëkohor shqiptar për të kuptuar dhe njohur rëndësinë e kësaj kulture. E parë në këtë këndvështrim, prania e këtij libri interesant do t’i shtojë vlerën bibliotekës së çdo muslimani.                                                                                               

Çmimi 150 Lekë

Opinione për libra, ngjarje, njerëz

Faik Luli

Ky libër përfshin studime, kumtesa, artikuj, recensione, diskutime e përshëndetje të mbajtura në sesione shkencore, në promovime librash, në mbledhje, në përkujtime e vlerësime figurash të ndryshme. Shumica e tyre është botuar në organe të ndryshme shtypi. Librat që analizohen në pjesën e parë kanë tematikë kulturore, publicistike, shkencore, dokumentare, edukative e shkollore. Librat janë, jo vetëm të autorëve të njohur, por edhe të rinj, të cilët kanë sjellë vepra me tematikë interesante, të përkthyera apo origjinale, me karakter krijues apo studimor.

Në pjesën e dytë përfshihen kumtesa, në të cilat janë trajtuar ngjarje të rëndësishme që kanë të bëjnë me të kaluarën, të tashmen e të ardhmen. Ato janë bazuar në burime të shumta dhe hedhin dritë që nga problematikat me karakter universal, kombëtar e deri në atë lokal. Këto kumtesa vlerësojnë personalitete, institucione, individë, tradita, momente kulturore dhe data të shënuara. Pjesa e tretë u kushtohet disa figurave të shquara, si: hoxhë e mësues, drejtues e intelektualë të nderuar, si shprehje nderimi, vlerësimi dhe mirënjohjeje për kontributin e tyre në realizimin e detyrave të ngarkuara.