Gatuaj dhe shijo

Maj 2008

Tavë me patate dhe domate

Përbërësit

Domate                                    8 copë

Oriz                                          4 lugë

Patate                                       4 kokrra mesatare

Hudhër                                     2 thelpinj

Rozmarinë                                2 degë

Nenexhik                                  sipas dëshirës

Vaj ulliri                                    sipas dëshirës

Përgatitja

Lajini domatet dhe me kujdes. Me anë të një luge hiqini tulin, duke e ruajtur më pas. Merrni patatet dhe prijini në kubikë mesatar. Lyeni tavën me vaj, në të cilën do të përgatitet përbërja dhe shtoni patatet. Ndërkohë, përgatitni mbushjen e domateve. Merrni orizin, shtoni mbi të hurdhat e shtypura më parë, rozmarinën, nenexhikun dhe vajin e ullirit. Përziejini mirë të gjitha bashkë, pastaj mbushni domatet dhe vendosini në mes të patateve dhe në fund spërkateni tavën me vaj. Tava është gati të futet në furrë për t’u pjekur.     

Fileta merluci  në furrë

Përbërësit për 4 persona

Fileto merluci                            4 copë (me peshë 200 gr secili)

Gjalpë                                      60 gr

Limonë                                   2 kokrra

Qepë                                       3 kokrra

Majdanoz                                1 tufë

Kripë, piper                              sipas dëshirës

Peksimadhe                            6 lugë

Përgatitja

Lajini me kujdes filetat e merlucit dhe thajini. Më pas, prijini në formë drejtkëndëshi. Merrni një tepsi të vogël dhe lyeni me gjalpë. Mbi të më pas vendosni filetat. Lani limonët dhe prijini në feta të holla, duke hequr farat dhe më pas vendosini mbi filetat, duke mbuluar të gjithë sipërfaqen e tepsisë. Më pas qëroni qepët dhe prijini shumë imët.  Me të mbuloni sipërfaqen e limonëve. Merrni më pas majdanozin, grijeni dhe hidheni mbi përgatitjen, shtoni më pas kripën, piperin.

Hidhni më pas gjalpin e shkrirë. Në fund shtoni mbi të peksimadhen. Futeni tavën në furrë në një temperaturë 200°C.

Gjalpë me gorgonzolë

Përbërësit 

Gjalpë                        100 gr                            

Djath gorgonzola         80 gr                                  

Limon                         ½ e kokrrës  

Majdanoz                   1 tufë

Përgatitja

Fillimisht shkrini gjalpin, më pas merrni gorgonzolën dhe përzieni me gjalpin deri sa të dy përbërësit të jenë bërë një masë e vetme. Shtoni mbi të limonin dhe majdanozin e grirë hollë. Hidheni në forma dhe futeni në frigorifer për gjysmë ore, sa të ngrijë dhe më pas mund ta konsumoni.

Gjalpë me spinaq

Përbërësit 

Gjalpë                          150 gr

Spinaq                          150 gr

Kripë                           1/2 luge

Përgatitja

Lajeni mirë spinaqin e më pas spërkateni me kripë. Grijeni hollë, përziejini me dorë derisa të zbutet.

Merrni gjalpin e lënë në ambient dhe përzieni mirë me lugë druri. Më pas shtoni mbi të spinaqin dhe përsëri përziejeni derisa të merrni një masë të plotë. Vendoseni në frigorifer. Këshillohet të serviret si antipastë ose e shoqëruar me mish të pjekur.

Ëmbëlsirë suedeze

Përbërësit 4 persona 

Luleshtrydhe ose manaferra        500 gr

Ricotta?                                    120 gr

Kos                                          1 gotë uji

Mjaltë                                      4 lugë

Vezë                                        2 kokrra

Limon                                      1 kokërr

Pana pastiçerie                         1 gotë uji

Amareta                                   1/2kg

Arra                                         8 kokrra

Përgatitja

Merrni luleshtrydhet (hiqni disa kokrra për zbukurim në fund), shtypini me lugë derisa ato të treten dhe pastaj hidhini në një tas. Mbi të shtoni kosin dhe RIKOTËN. Më pas shtoni mjaltin dhe dy të verdhat e vezëve, lëngun e limonit. Pasi t’i keni hedhur të gjithë përbërësit, përziejeni me një tel kuzhine derisa të merrni një masë homogjene. Më pas, rrihni mirë të bardhat e vezëve dhe gjithashtu edhe panën. Kur të keni përfunduar këtë proces, kremin e përgatitur shtojeni mbi masën e përgatitur me luleshtrydhe, duke i përzier me kujdes dhe më pas hidheni në kupa dhe futeni në frigorifer. Para se ta servirni, vendosni mbi to, si në figurë, luleshtrydhet, arat dhe amaretat.

English Contents & Different Editorials of the Journal