Pas fillimit të instalimit, gjëja e parë që bie në sy është pamja e re. Njohësit e mirë të kësaj pakete janë mësuar që Corel të bëjë surprizë me kutitë e ngjyrave dhe pamjen e ikonës. Nga balona shumëngjyrëshe e deri tek kameleoni, paketa DRAW ka pësuar shumë ndryshime. Një gjë e tillë nuk mund të thuhet për programin Bit Stream Font Navigator, ku ndërfaqja dhe pamja nuk ka ndërruar imazh. Përveç programit bazë (CorelDRAW), sipas dëshirës suaj mund të instaloni Corel PHOTO-PAINT dhe Corel CAPTURE, ndërsa Corel RAVE për çudi nuk gjendet në paketë.

Cilat janë të rejat?
Instalimi i programit tregon pamjen e re me një shkëlqim të plotë. Kameleoni me ngjyra buzëqesh, duket se po tenton t’ju zbavitë deri sa të lexohet programi në kompjuter. Ndërfaqja nuk jep ndonjë ndjenjë se ka shumë ndryshime pas paralajmërimeve të shumta që jepen gjatë kohës kur instalohet. Ikonat përsëri janë monokromatike, kurse e vetmja gjë që jep një shenjë është varianti i quajtur Smart Fill Tool. Docker Hint i ri, i cili paraqitet gjatë fillimit, është një mënyrë e mirë për përdoruesit e rinj që t’i tregojë drejtimet e reja. Gjithë të tjerat janë të vendosura në vendin e tyre, të radhitura njëlloj si në variantet e mëparshme. Me më shumë se 40 gjëra të reja, DRAW i ri po tenton të kthejë pamjen e saj tashmë të lëkundur nga paketat konkurrente si Adobe Illustrator, Xsara Xtreme... Corel Power Trace është i integruar në DRAW. Efekti Bevel, variant të cilin Xara e ka shumë herët, Corel e ka sjellë në variantin e ri të programit, së bashku me Soft Edge dhe Emboss. E gjithë kjo nuk realizohet në kohë reale, por duhet të shtypni Apply çdo herë që dëshironi efektin. Ajo që i ka sjellë problem përdoruesve më të përparuar ishte puna me vijat e lakuara dhe të komplikuara, si dhe “rrënja” e shpeshtë e programit. Tek ky variant kjo është përmirësuar dhe gjatë zgjedhjes së Shape në taskbar mund të shihet teksti i shkruar Reduce Node, ku mund të zvoglohet numri i Node në objekt. Si e re vlen të përmendet varianti Smart Fill Tool, i cili mundëson ngjyrosjen e objekteve të ndryshëm, i cili pret vetveten ose është i palosur. Po ashtu është edhe ngjyrosja me ngjyra të ndryshme e konturave (outline). Filterat për import dhe export gjithashtu ofrojnë një përmirësim me përkrahjen e Adobe (AI, PDF, EPS dhe PSD) datotekat. Kjo është me rëndësi për ata që përgatisin grafikën për shtyp me këtë program. Sido që të jetë, me përparësitë dhe me mangësitë që ka ky program, pas vetes ka një armatë të plotë të adhuruesve. Illustrator nga Adobe me më shumë zgjedhje dhe efekte për një kohë të shkurtër ka marrë shumë përdores nga Corel. Përdoruesit profesionalë edhe pse me një çmim shumë të lartë, prapë se prapë zgjedhin paketin e Adobe CS. E vetmja mundësi që Corel DRAW ende mban në duart e saj është manipulimi dhe ndërtimi i objekteve komplekse me lehtë sesa të Illustrator. Por, si duket edhe ky pozicion është me këmbë të qelqta, pasi programi Xara Xtreme ka shpejtësi dhe qëndrueshmëri më të shpejtë, ku në Shadow, Bevel dhe Emboss efektet bëhen në kohë reale.
 

English Contents & Different Editorials of the Journal