Kuriozitete

Fëmija magnetik bën të shpërthejnë alarmet e dyqaneve
Harry Fairweather, një fëmijë anglez 2 vjeç, për një motiv absolutisht misterioz, shpërthen alarmet e dyqaneve apo të supermarketeve sa herë hyn në to. Në të gjitha rastet kur fëmija shpërthen alarmet, personeli i dyqanit apo i supermarketit njoftojnë rojet për të ndërhyrë, por më pas nuk gjejnë asgjë të çuditshme apo të veçantë në rrobat apo në trupin e fëmijës. Fëmija ka pasur shumë kontrolle të menjëhershme nga specialistë të sistemit të sigurisë, por edhe këta të fundit nuk kanë gjetur asgjë të çuditshme, përveçse një personalitet të fortë magnetik.

Është 51 vjeçe dhe ka 28 fëmijë
Është 51 vjeçe dhe ka pasur deri tani 28 fëmijë.
Bëhet fjalë për një grua Nepaleze, e cila është martuar në moshën 12 vjeçare dhe që nga mosha 17 vjeç e në vazhdim ajo pothuajse çdo vit ka lindur fëmijë, madje duke punuar shumë nëpër fusha. Vetë ajo pohon se njërin prej fëmijëve e ka lindur në fushë kur po mbillte patate dhe një tjetër fëmijë e ka lindur në pyll tek po priste bar. Në shumë raste, thotë ajo, kam përzënë disa funksionarë shtetërorë, të cilët donin të më mësonin teknikat kontraceptive për të kontrolluar lindjet.

Shkon në spital për shkak të një kokrre orizi
Një nuse përfundoi në spital për shkak të një kokrre orizi që i përfundoi në vesh. Ky incident i padëshiruar ndodhi në Malgrote, pas ceremonisë së martesës së Bruno Rottit dhe Paola Buonsangue, në momentin tradicional të shiut me oriz. Një kokërr e vogël orizi i hyri Paolës në njërin vesh, duke bërë që ajo ta përfundonte ceremoninë e martesës së saj në spital.

Orkestra e filarmonisë së Londrës punëson një dixhej
Për të qëndruar koherent, Orkestra e Filarmonisë së Londrës, një nga orkestrat më të mira të Anglisë, fut një element të ri dhe pikërisht një dixhej, i cili do të ketë detyrën të “riorganizojë” meloditë tradicionale, klasike, në mënyrë që t’i bëjë moderne ato.

Të sekuestruar nga një kangur
Një familje e tërë në Jabiru të Australisë qëndroi e sekuestruar për 3 orë në shtëpinë e tyre. Ata ishin “viktima” të një kanguri të madh, me një gjatësi 1,70 cm. Kafsha kishte hyrë në shtëpi gjatë natës, duke thyer një dritare, mbase në kërkim të ushqimit. I plagosur nga xhami i thyer, kafsha kishte filluar të vrapojë nëpër shtëpi si e çmendur, duke përhapur kështu kudo gjakun e saj. Agjentët e policisë dhe veterineri, të mbërritur në vendin e ngjarjes, për të kapur kafshën, ju është dashur të djersijnë 7 këmisha, siç thotë dhe fjala e urtë popullore. Në shtëpi bashkë me prindërit kishin qenë dhe 5 fëmijë.

English Contents & Different Editorials of the Journal