Shkruaj dhe ti

Arjan HOXHA

Klasa XI^B

Nxënës në medresenë “Mahmund Dashi”- Tiranë

Fitues i çmimit të parë për moshat e reja në konkursin “Çmimi AIITC 2007”

Errësira ndriçuese

Errësira pati pllakosur çdo cep të shkretëtirës;

Uragane vërtiteshin përreth mureve të shtëpive;

Re të zeza qëndronin pezull mbi qytete

e vetëm hije hidhërimi zbrisnin prej tyre!

Nata e humbi fuqinë e saj mbi vend;

Agimi me kthetra e tij të mprehtë

e mbyti me pashpirtshmërinë universale

duke zbardhur hijet e zeza tmerruese!

Ky agim solli dritën hyjnore

dritë që ndriçon shekujt;

shekuj që kanë humbur në errësirën fatale

e ato që do të vinin pas kësaj nate!

Ky agim solli udhëzimin e kësaj jete

Të udhëhequr prej Allahut të madhëruar,

që asnjëherë nuk e lëshoi krijesën e tij

në humnerën shkatërruese të botës së egër ...!

I  lavdëruar

Ai ishte krijesa hyjnore;

Ai ishte mëshira universale

në shkretëtirën madhështore;

I përballur me ligësinë fatale!

I lavdëruar qoftë gjithmonë ky njeri,

që në thellësi të zemrës së tij

kishte një oqean plot mirësi,

që thellë në shpirt ndjente dashuri!

Fytyra e tij ishte e ëmbël si mjalti;

Dora e tij ishte e brishtë si trëndafili;

Ai ishte rreze dielli, mëshirim fati;

Mëkëmbës i së vërtetës morale!

Muhamed ishte emri i tij.

Iman u ndërtua në zemrën e tij

që Allahu e udhëhoqi me drejtësi

e drejtësia e tij kudo në përjetësi!

Mesnatë e heshtur

Mesnatë e heshtur ...ndoshta?!

Eci dhe shikoj errësirën frikësuese.

Ngado vështroj, pëlhurën e zezë të natës sodis.

Rrugës kjo pëlhurë fillon në vesh të më pëshpëritë

Pëshpërimë që zemrën fillon të ma qëndisë!

Më tutje shfaqen rrugica mendimesh,

mendime në hezitim

Hezitim që po më ndjek pa reshtur

si merimanga në cepin e heshtur!

Vazhdoj ecjen dhe hija fillon e zhduket.

Më zhduket nën pëlhurën e zezë të natës

që ka pllakosur çdo cep të asfaltit

si të ishte faraon në mbretërinë e së ngathtës!

Trishtimi e frika më rishfaqen

si të ishin rojtarë të mbretërisë,

udhëheq të natës,

të cilën e mbyti me kthetrat e tij

Agimi i ditës së pastër!

Epope

Allahu dërgoi udhëzues

për njerëzit frymëzues

që këtë jetë ta gëzojnë

dhe në ahiret të shpëtojnë.

Allahu dërgoi Muhamedin,

të mëshirshmin e të drejtin,

që gjithmonë do të qëndrojë

për myslimanin model e mburojë.

Allahu e dërgoi si epope

për mbarë njerëzimin,

si për lindjen dhe për perëndimin,

si për shkretëtirën dhe lulëzimin.

Allahu e plotësoi

Me imanin si mburojë

që myslimani ta kujtojë

e kurrë të mos e harrojë.

English Contents & Different Editorials of the Journal