GATUAJ DHE SHIJO

Violeta MEMAÇI

Ëmbëlsira

Gurabije me gjalpë

500 gr gjalpë

50 gr arra (sipas mundësisë)

100 gr sheqer (mirë është pluhur)

1,100 miell

(pluhur sheqeri për sipër)

Rrihet mirë sheqeri me gjalpin. Pastaj hidhen arrat dhe mielli. Brumi të dalë pak I fortë. Formën ja japim sipas dëshirës. Spërkatet tavolina me miell, brumin e bëjmë në fillim si role pastaj e shtypim pak dhe I bëjmë prerje në formë rombi.

Pjekja bëhet me 150º-160º gradë (gjysmë ose treçerek ore)

N.q.s keni pluhur sheqeri, pasi ftohen gurabijet I hidhet pluhuri.

Krem karamel

1 l qumësht

5 kokrra vezë

200 gr sheqer

vanilje

1 lugë sheqer

Në tigan hedhim 1 lugë sheqer dhe e vëmë në zjarr. Kur merr ngjyrë (jo të digjet) e hedhim në forma me një lugë çaji. Marrim tenxheren, thyejmë vezët, hedhim sheqerin (200 gr ose 5 lugë sheqer) i përziejmë bashkë, shtojmë qumështin dhe vaniljen, i përziejmë përsëri dhe e vëmë në zjarr, por nuk do ta lëmë që të marrë valë.

Vendosim dhe një tenxhere me ujë për ta ngrohur për banjomari.

Format i vendosim në një tavë. Përziejmë përbërjen dhe me garuzhde e hedhim nëpër forma. Ujin e nxehur më parë e hedhim në tepsi deri tek gjysma e gotave. I fusim në furrë për 30-45 minuta.

I nxjerrim format nga banjomaria. Derdhim ujin. Format i vendosim në frigorifer të ftohen. Kur ftohet e kthejmë formën përmbys në një pjatë të vogël. I vendosim sipër pak reçel.

Ëmbëlsirë me mollë

100 gr gjalpë (ose 2 lugë gjelle gjalpë)

1 lugë sheqer

2 kokrra mollë

2 kokrra vezë

1 gotë uji sheqer

1 filxhan kafeje kos

1 filxhan kafeje qumësht

2 gota uji miell

1-2 paketa sodë për ëmbëlsirë

Në një tavë hedhim një lugë gjelle gjalpë dhe një lugë gjelle sheqer dhe i kavardisim derisa të bëhet si karamele.

2 kokrra mollë i qërojmë nga lëkurat dhe heqim të brendshmet e mollëve pa e ndarë mollën dhe i presim në forma rrumbullake. Sipër karameles së formuar shtrojmë mollët e prera.

2 kokrra vezë i rrahim së bashku, shtojmë një gotë uji sheqer,1 lugë gjelle gjalpë. 1 filxhan kafeje kos dhe 1 filxhan kafeje qumësht. (Sheqeri mund të përdoret sheqer pluhur që të mos e rrahim shumë) Shtojmë 2 gota uji miell, 1-2 paketa sodë për ëmbëlsirë, i përziejmë dhe e hedhim tek tepsia që kemi mollët. Furra të jetë e nxehtë në 180°-200º gradë.

Tollumba

3 gota ujë

2 lugë gjalpë (100gr)

3 gota miell

6 kokrra vezë

Për sherbetin:

3 gota ujë

1 kg sheqer

Përgatisim në fillim sherbetin, pasi ai duhet i ftohtë. Në një tenxhere ziejmë 3 gota ujë me një kg sheqer.

Për përgatitjen e tollumbave

Vendosim 3 gota ujë dhe 100 gr gjalpë të marrin valë, pastaj shtojmë 3 gotat e miellit dhe i përziejmë shpejt e shpejt që të mos krijohen kokrriza, derisa të shkëputet brumi nga tenxherja.

E hapim brumin në një tepsi të ftohet, rrahim mirë vezët së bashku dhe e punojmë me brumin mirë me dorë.

Brumin e kalojmë në formën që kemi për tollumbat dhe ato i skuqim në vaj të nxehtë.

Ndërkohë, kur t’i hedhim tollumbat e nxehta tek sherbeti, ky i fundit (sherbeti) duhet të jetë i ftohtë.

English Contents & Different Editorials of the Journal