SHKRUAJ DHE TI

TRAZIRAT

Elona MUÇA

“Trazirat globin çorientojnë

Trazirat shpirtin e mundojnë.

Ku qëndrojnë rrënjët e tyre?

Pse nuk ngrihet kush?

Injoranca ngre kokën e bërtet:

“Unë jam një rrënjë që trazira më thërret!”

Ajo përgjigjet pa hezituar:

“Nuk mund të rrijë dot pa punuar!”

Ah, sa dua larg trazirave të qëndroj,

shpirtin dua ta çliroj.

Dua të gjej prehje, frymë thellë të marr,

të qortoj veten e të pendohem,

të zgjohem nga gjumi i dynjasë

e me sytë e shpresës trazirat  t’i godas!

Ah, sa dëshiroj, sa dëshiroj!

Përgjigjet dëshira me entuziazëm:

“Dëshira të pamundërën e realizon.

 Hidh hapat drejt së vërtetës,

mbështetju Allahut me përkushtim,

nxito drejt shtëpisë së Zotit pa hezitim.

Të gjitha sa kërkon aty do t’i gjesh.

Melekët të rrethojnë

e emrin tënd tek Zoti ata e lartësojnë.”

MBULESA E FEMRËS, PERLË

Në shekullin ku jetojmë

hixhabin të papërshtatshëm e shikojnë.

U përket kohëve të kaluara ...

Sa keq, sa cekët gjykojnë!

E sotmja shumë ka evoluar,

morali shumë është modernizuar.

Njerëzia shumë është degraduar ...

Pretendojnë se e keqja prej saj fillon.

Thonë, konkurset e sfiladat shpalosin vlera,

modernizimi kështu fillon

e bota me të lulëzon ...

Mbretëritë e shteteve

gjithmonë janë lakmuar

mençuria e serioziteti

në punë i ka dalluar.

Sfilada e femrës arenë gladiatorësh,

si skllave nën thundrat e luanit qëndron.

Me ç’të drejtë bukurinë e saj  dhunon?

Me ç’të drejtë vlerat e saj i nënçmon?

Në tokë diamantet thellë qëndrojnë.

Shekujt me radhë kanë kaluar

e së kërkuari  njerëzit s’kanë pushuar.

Kush është ai që perlat nuk i lakmon?

Në thellësi të oqeaneve,

në guaska të bukura qëndrojnë.

Shekujt  me radhë kanë kaluar

e së kërkuari  njerëzit s’kanë pushuar.

Femra si një diamant, si një perlë

në fenë islame qëndron.

Zoti atë e ka lartësuar,

të drejtat kurrë s’ia ka mohuar.

Profeti Muhamed lirinë i dhuroi,

nga robëria dhe torturat e çliroi.

E dëlirë, e lumtur gjatë shekujve jetoi.

Historia vetë dëshmon ...

Ktheu, o njeri, veten ndrysho!

Femrën shikoje me dashuri,

kurrë mos e nënçmo.

Ajo rrit breza, teknologjinë zhvillon,

me ngrohtësinë e saj

paqe botës i dhuron.

English Contents & Different Editorials of the Journal