GATUAJ DHE SHIJO

Thjerrëza me qepë dhe oriz

Përbërësit për 5 persona:
1 filxhan me thjerrëza;
1 ½ filxhan me oriz;
3 filxhanë ujë;
1/4 lugë çaj me kripë;
5 qepë të prera hollë;
½ filxhan me vaj luledielli
2 masa koncentrat pule

Përgatitja
Pastroni dhe lajini thjerrëzat. Vendosini në një tenxhere ku keni hedhur ujin dhe kripën dhe vëreni të ziejë në zjarr të ngadaltë për 30 minuta. Lani orizin dhe më pas shtoni thjerrëzat, erëzat dhe 2 masat e koncentratit të pulës. Përziejini mirë dhe ziejini në një zjarr të ngadaltë për 25 minuta. Skuqini qepët dhe më pas hiqini nga vaji dhe lërini të thahen nga vaji. Vajin që ka mbetur në tigan hidheni në përzierjen e thjerrëzave dhe orizit, duke vazhduar me përzierjen. Gatuajini për 5 minuta dhe, pasi të jenë gati, shërbejini të nxehta, të shoqëruar me qepët e skuqura.
Përbërësit për 8 persona:
1 kg mish qengji me kocka;
3 domate me përmasa mesatare të prera hollë;
¼ filxhan me vaj luledielli;
4 filxhanë me oriz;
5 qepë me përmasa mesatare, të prera hollë;
1 pako me koncentrat viçi;
4 shkopinj kanellë;
1 lugë çaji me piper të zi;
½ filxhan me bajame;
½ filxhan me kikirikë.

Përgatitja
Skuqni qepën derisa të zbutet dhe më pas lëreni mënjanë. Priteni mishin në copa mesatare, hidheni tek qepët dhe skuqeni pak. Shtoni domatet e prera hollë dhe përziejeni të tërë masën herë pas here. Shtoni ujë dhe lëreni të ziejë në zjarr të ngadaltë. Në një masë prej 6 filxhanësh ujë shtoni masën e koncentratit të viçit, shkopinjtë e kanellës, piperin dhe vëreni të ziejnë në zjarr të ngadaltë. Uleni nxehtësinë dhe gatuajeni për rreth 30 minuta ose derisa mishi të zbutet. Shtoni më pas dhe orizin së bashku me ½ lugë kripë. Mbulojeni dhe lëreni të ziejë për rreth 20 minuta në zjarr të ngadaltë. Mund t’ju duhet edhe pak ujë për orizin.
Patëllxhanë të furrës me djathë

Përbërësit për 4 persona:
6 patëllxhanë të mesëm;
4 thelpinj hudhra të shtypura;
2 paketa koncentrat pule;
4 domate mesatare;
3 lugë gjelle majdanoz të grirë;
¾ filxhan me djathë të grirë;
¼ filxhan vaj vegjetal.

Përgatitja
Pastrojini patëllxhanët dhe lajini mirë përpara se t’i qëroni, duke u hequr një vijë të hollë rreth 1cm, për të bërë që të duken si të prera me viza. Patëllxhanët merrini dhe pritini në mënyrë të tërthortë me një trashësi rreth 2 cm dhe skuqini në vaj të nxehtë derisa të zbuten. Lajini domatet dhe pritini hollë. Në 2 lugë vaj skuqni hudhrat derisa të zbuten. Më pas shtoni domatet e prera dhe koncentratin e pulës, të cilat lërini në zjarr për rreth 3 minuta, duke i përzier herë pas here. Vendosini patëllxhanët e skuqur në një tavë dhe mbulojini me masën e domateve dhe përsipër hidhini majdanozin. Spërkateni me djathë të grirë dhe të gjithë këtë masë piqeni në një nxehtësi mesatare 190ºC për 15 minuta.

Patëllxhanë të mbushur me kos
Përbërësit për 4 persona:
1 kg patëllxhanë të vegjël;
300 gr mish i grirë qengji ose viç;.
½ filxhan me kikirikë;
2 filxhanë me vaj luledielli për patëllxhanët;
3 pako me koncentrat pule;
¼ filxhan me vaj luledielli ose gjalpë për kikirikët;
1 kg domate të qëruara dhe të prera hollë;
¼ lugë çaji me kripë;
pak piper dhe kanellë;
½ filxhan me vaj luledielli për bukën;
2 filxhanë me kos;
2 thelpinj hudhre;
2 filxhanë me bukë të thekur, të thërrmuar në copa të vogla.

Përgatitja
Skuqini lehtë kikirikët në yndyrë dhe më pas thajini. Përziejini bashkë mishin e grirë, çerek luge çaji me kripë, 1 pako koncentrat pule dhe erëzat dhe ziejini në zjarr të ngadaltë për 10 minuta. Lajini patëllxhanët dhe hiqeni pjesën e brendshme, duke lënë vetëm lëkurën dhe një trashësi tuli prej ¼ cm, pas kësaj lajini përsëri. Përziejeni mishin e grirë, të cilin e keni skuqur më parë me kikirikët dhe me këtë përzierje mbushni patëllxhanët. Secilin prej patëllxhanëve të mbushur skuqini në vaj të nxehtë. Domatet, e qëruara dhe të prera, vendosini në një tenxhere dhe mbi to vendosni patëllxhanët, të cilëve u hidhni kripë dhe shtoni po ashtu dhe koncentratin e pulës. Këtë masë vëreni në zjarr të ngadaltë për rreth 40 minuta. Bukën e thekur skuqeni dhe lëreni mënjanë të thahet. Më pas vëreni në fundin e një tepsie të thellë. Shtypini hudhrat dhe hidhini pak kripë mbi to dhe përziejini me kos. Patëllxhanët që u gatuan, së bashku me domatet, hiqini dhe lërini mënjanë. Merrni 2 filxhanë nga masa e domateve dhe hidheni mbi bukën e thekur që skuqët më parë, dhe më pas mbi të hidhni dhe masën e kosit. Patëllxhanët filloni t’i sistemoni mbi këtë masë kosi dhe në fund zbukurojeni me kikirikët e pjekur që ju kanë mbetur. Shërbejeni menjëherë.





 

English Contents & Different Editorials of the Journal